Bolela polelo ya geno. Ke tokelo ya gago.
Na ke tirelo ya mohuta mang yeo e fiwago?
TISSA e fana ka tirelo ya tlhathollo ka mogala yeo e tlilego go kgontšha kgokagano gareng ga setšhaba le mmušo ka go šomiša ka go šomiša dipolelo tša semmušo tša tlhago go fihlelela ditirelo tša mmušo.
Na ke ka lebaka la eng tirelo ye e fiwa?
Ka TISSA, mmušo o phathagatša taolelo ya Molaotheo ka go tšea magato a maleba ao a bonagalago a go hlabolla le go hlatloša dipolelo ka moka tša semmušo tša tlhago.
Na setšhaba se ka kgopela ditirelo tša mmušo ka dipolelo tša bona tša ka gae?
Ee, ge fela e le gore ke ye nngwe ya dipolelo tša mmušo tša tlhago.
Na polelo ya maswao yeo e lego ya difoa le yona e a akaretšwa?
Ee, batho ba difoa ba a akareditše tirelong ya TISSA. Ba tla kgona go fihlelela ditirelo tša mmušo, bjalo ka batho bao ba kwago, mafelong ao a lego Cape Town, Johannesburg, Durban le Polokwane.
Na tirelo ya TISSA e šoma bjang?
Ge leloko la setšhaba le mohlankedi wa mmušo ba sa kgone go kwana ka dipolelo, mohlankedi wa mmušo a ka leletša lefelo la tshedimošo la TISSA
Mo mafelong a tshedimošo, mothuši o tla kgokaganya mohlankedi wa mmušo le leloko la setšhaba gore ba kgone go theeletša mohlatholli yoo a kgonago go bolela dipolelo tšeo tše pedi.
Mohlankedi wa mmušo o tla ba le mogala wa didirišwa tše pedi gore yena le leloko la setšhaba ba kgone go theeletša mohlatholli
Mohlatholli bjale o tlile go hlathollela bobedi bja bona. Se se ka tšea metsotswana e se kae.
Na ke tlile go tseba bjang gore kgoro ya mmušo e fana ka ditirelo tša bohlatholli?
Maswao diofising tša mmušo a tlile go laetša go ba gona ga ditirelo tša TISSA.
Ge ofisi ya mmušo e sa laetše leswao la TISSA, na nka kgona go kgopela tirelo ya tlhathollo?
Aowa, tirelo e hwetšagala fela mafelong ao a laetšago leswao la TISSA. Le ge go le bjale, mafelo ao a fapanego a tla akaretšwa nakong ye e tlago.
Na TISSA e tlile go nkhola ka eng?
E tlile raloka karolo ye bohlokwa tlhabollong ya ditokelo tša gago tša polelo, gomme ge go le bjale, ditokelo tša botho ka Afrika Borwa.
E tlile raloka gape karolo ye bohlokwa ya tšwetšopele le tšhomišo ya dipolelo tša semmušo tša tlhago le polelo ya maswao.
O tlile kgona go fihlelela ditirelo tša mmušo ka polelo ya geno.
Go hwetša tshedimošo ka botlalo ikopanye le Golola Consultancy
